BULATIK UG BULATIK PA MORE

Ni: Ben Emata

Ugot-ugot ako grabeng katawa sa pagbasa sa bulatik ni Jejomar Binay kinsa miingon nga kon siya modaug mohimo siya sa Malacanang sa Cagayan de Oro. Maayo mo uto-uto kini si Binay abi niya makabunal na siya sa makaw sa maong dapit. Gi-awat niya ang pasalig sab ni Inday Grace Poe na kunohay mobuhat siya sa Malacanang didto sa Pangasinan, ang lungsod ni FPJ iyang erpat kon modaug siya.

Unsa ba kini nga mga klasi sa kandadato wala naba ilang nahibaloan nga isaad sa lungsod? Ka yano ba sa ilang isip, pasalig ug bulatik. Mabaw kaayo ang ilang mga tayada. Unta ilang medyo gipalauman. Nganong dili man sila mopasalig nga ipadaghan ang abut sa agrikultura, sa inprastura, sa mga sueldohon sa mga kawani, sa employment sa jobless, sa pag hatag medical ug dental care sa katawhan, sa pag hatag sa tambal ug serbisiyo sa mga doctor ug ang pag undang sa pangawat ug korapsyon sa goberno.

BUGAS SA VELENCIA CITY

Balita nga maiinit pa kaayo nahitabo sa Valencia City sa Bukidnon kagahapon diin giingon nga mga grupo sa NPA mironda sa usa ka bodega sa bugas ug gihakut ang pipila ka libo nga sako gikarga sa upat ka truck. Hangtud karon wala mahibaloi sa kapulisan kon diin gidala ang mga bugas.

Nasayran nga si Mayor Oskie Moreno mimando sa iyang mga kauban nga mahatagan sa bugas ug ubang panabang ang mga mag-uuma sa kabukiran sa dakbayan sa Cagayan de Oro. Salamat buotan nga mayor sa imong dinalian nga solusyon sa kagutom sa atong mga igsoon. Wala man silay lain nga kadangpan kon dili nato sila tabangan.

Gihangyo ko ang katawhan nga mag ampo sa Dios nga unta mobogahay na ang kusog nga ulang aron mobakod ang na nagangamtay nga talamnon sa aktong kabukiran. Usa lang kini ka bagyo ayos na ang tanan.

Adunay ubang tao nga kon modangat ang malas sa kinabuhi ug panahon, mamalikas hinoon sa kasuko. Sayop kini ug nga moduol hinuon kanimo mao ang dugang malas. Mag-ampo sa panabang sa Ginoo.

Giawhag ko ang mga kandidato nga kon mosulod sila sa advertisement sa media, mobayad sila ug dili magbukong. Walay hawsiaw kay mura kini ang panahon nga makasapi sab intawo ang mga taga media nga sigi lang tuyabid ang singot sa trabaho. Naay uban diha magpaluoy-luoy dayun sa nawong aron malibre unya raba kon simbaki makadaug, dili mo na ikahibalag pa. Pait kini. BEN EMATA Lubas sa Dagang Bisaya kon LUDABI

Latest News

Submit a Comment

Your email address will not be published. Required fields are marked *

Seo wordpress plugin by www.seowizard.org.